बालासन योग करण्याचे फायदे (Balasana Yoga Karanyache Fayde)

बालासन 

सध्याच्या धावपळीच्या आणि धकाधकीच्या जीवनात आपल्याला आपल्या शारीरिक आणि मानसिक आरोग्याकडे लक्ष देण्याची खूप गरज आहे आणि त्यासाठी नियमित योगासने करणे खूप गरजेचे आहे. मानसिक आरोग्य उत्तम राखणासाठी आणि आपली स्मरण शक्ती वाढविण्यासाठी एक महत्वाचे आसन म्हणजे बालासन. हा एक असा योगप्रकर आहे ज्याच्या सरावामुळे आपल्याला अध्यात्मिक उत्तुंगता, शारीरिक आराम आणि मानसिक स्थिरता मिळते. या आसनाला इंग्रजी मध्ये चाईल्ड पोझ (Child Pose) असे सुद्धा म्हणतात, कारण हि आसनावस्था गर्भातील बालकाप्रमाणे भासते. ज्या प्रमाणे गर्भातील बालकाला जेव्हडा आराम गर्भामध्ये मिळतो तेव्हडाच आराम या आसनाच्या सरावानंतर आपल्यला मिळतो. हे आसन करताना आपली श्वसन प्रणाली उत्तमरीत्या कार्य करते. या आसनाच्या नियमित सरावामुळे आपल्या मज्जासंस्थेचे कार्य सुधारते व आपल्या मेंदूला भरपूर रक्तपुरवठा मिळून मेंदू विषयीच्या भरपूर तक्रारी दूर होतात. लहान मुलांना हे आसन करण्यासाठी नक्कीच प्रेरित करावे कारण हे आसन बालकांना करता येईल इतके सोपे असून या आसनाच्या सरावामुळे त्यांची स्मरण शक्ती वाढण्यास नक्कीच मदत होते. बालासनाची कृती आणि त्यापासून मिळणारे फायदे या बद्दल सर्व माहिती आपण मराठी मध्ये बघुयात. (Balasana information in marathi)

pic source : https://www.flickr.com/photos/yogamama-co-uk/3973272863

कृती:

• सर्व प्रथम आपल्या आसनावर वज्रासनात बसा. 
• आता कमरेतून समोर झुका आणि आपले मस्तक जामिनाला टेकवा. 
• आपले दोन्ही हात आपल्या खांद्याला समांतर ठेवून समोर लांबवा. 
• आपल्या हाताचे दोन्ही तळवे आकृतीत दाखवल्या प्रमाणे जमिनीला टेकवा. 
• आपल्या छातीने आपल्या मांड्यावर दाब द्या. 
• हे  आसन करताना श्वासोश्वास चालू राहू द्या. 

फायदे : 

1. या आसनाच्या नियमित सरावामुळे मेंदू आणि मन शांत राहतो. 
2. या आसनाच्या सरावामुळे आपली स्मरणशक्ती वाढण्यासाठी खूप मदत होते. 
3. या आसनाच्या सरावामुळे शरीरात नवचैतन्य निर्माण होते. 
4. आपल्या पाठीच्या कण्याला भरपूर व्यायाम मिळून पाठ आणि कमरे संबधितच्या संपूर्ण तक्रारी दूर होतात. 
5. या आसनाच्या सरावामुळे पाठ, कंबर, खांदे यांच्या स्नायूत आलेली जडता दूर होते. 
6. या आसनाच्या सरावामुळे बद्धकोष्ठतेचा तक्रार दूर होते. 
7. हे आसन तुमच्या श्वासाचे नियंत्रण करण्यास मदत करते आणि संतुलित श्वास घेण्यास मदत करते. 
8. या आसनाच्या सरावामुळे शरीरातील थकवा दूर होतो.  

टीप: गरोदर महिलांनी हे आसन करू नये.