हलासनाचे फायदे | Benefits of Halasana

हे आसन करताना शरीराचा आकार हल म्हणजेच नांगराप्रमाणे दिसतो म्हणून या आसनाला 'हलासन' असे म्हणतात. येथे आपण हलासनाचे फायदे (Benefits of Halasana) आणि क्रिया(Halasana Steps)बघणार आहोत. हालासनामुळे शरीरात नवचैतन्य निर्माण होते, तसेच लैंगिक शक्ती सुद्धा वाढते. या सारखे भरपूर फायदे व त्यांची मराठी मध्ये माहिती (Halasana information in Marathi) आपण पुढे बघणार आहोत. 

                                          

pic credit: https://pixahive.com/photo/plow-pose-halasana/

कृती(Halasana Steps):

•  सुरुवातीला जमिनीवर पाठीवर झोपा.
• आपले दोन्ही हात शरीराला सामन्तर ठेवा व हाताचे तळवे जामिनाला लागून ठेवा. 
• दोन्ही पाय एकमेकांना लागून सरळ रेषेत ताठ ठेवा.
• आता श्वास घेत घेत हळू हळू दोन्ही पाय सोबत वर उचला.
• श्वास घेण्याची आणि पाय वर उचलण्याची क्रिया सोबतच झाली पाहिजे.
• हि क्रिया करत असताना गुढघ्यात पाय वाकणार नाहीत याची पूर्ण काळजी घ्या. 
• हि क्रिया करताना हात आणि पाठ जमिनीला चिटकवून राहूद्या. 
• आता पाय नव्वद औंशाच्या कोनात आल्यावर श्वास सोडण्याची व पाय डोक्याकडे नेण्याची क्रिया चालू करा.
• डोक्याकडे आलेले पाय हळूहळू जमिनीला टेकवण्याचा प्रयत्न करा. 
• हि क्रिया करताना पाय जुळले ठेवा व पाय गुडघ्यात वाकणार नाहीत याची काळजी घ्या.
• पायांचे अंगठे जमिनीला टेकवण्याचा प्रयत्न करा, सुरुवातील असे करता येणार नाही परंतु हळू हळू सरावानंतर हि क्रिया सहज करता येईल. 
• आता श्वासोश्वास चालू ठेवा, परंतु तोंडाने श्वास घेऊ नका. 
• शेवटच्या स्तिथीत हनुवटी गळ्यास चिकटणे आवश्यक आहे.

या स्तिथीत आठ ते दहा सेकंद राहा. नंतर हळू हळू पाय लांब रेषेत आणून शरीराला हिसका बसू न देता पाय जमिनीवर आना. 

फायदे(Halasana Benefits):

• या आसनात पाठीच्या कण्याला भरपूर व्यायाम मिळतो, त्यामुळे पाठीच्या कण्यातील नाड्या, पाठीचे स्नायू, पाठीचे मणके व मणक्याच्या दोन्ही बाजूंनी निघणारे मज्जातंतू सुदृढ बनतात. 
• हलासनाचा नियमित सराव करणाऱ्या वक्ती चपळ, स्फूर्तिशील व ताकतवान असतात. 
• या आसनामुळे संधिवात, कटिशूळ,लचक भरणे, ज्ञानतंतूंना सूज येणे अश्या इत्यादी तक्रारी दूर होतात. 
• दीर्घकालीन बद्धकोष्टता(constipation), पोटशूळ आणि यकृत व प्लीहा(पाणथरी) यासारखे विकार या आसनाने बरे होतात. 
• या आसनाच्या नियमित सरावाने शरीरात नवचैतन्य निर्माण होते. तारुण्य सळसळत राहते व लैंगिक शक्तीही वाढते. 
• या आसनामुळे पोटातील स्नायू सुदृढ बनतात. 
• या आसनाच्या नियमित सरावाने चेहरा तेजस्वी दिसतो.
• या आसनामुळे रक्ताभिसरणाची क्रिया चांगली व सुरळीत होते.