Purvottanasana information in Marathi | पूर्वोतानासन मराठी माहिती

पूर्वोतानासन 

पूर्वोतानासन, हे आसन करताना आपल्या शरीराचा धडाच भाग वर उचल्या जातो. येथे पूर्व म्हणजेच पूर्व दिशा नसून आपल्या शरीराचा वरील भाग आणि उत्तानासन म्हणजेच वर उचलणे किंवा खेचून धरणे असा होतो. या आसनाच्या नियमित सरावामुळे आपल्याला जीवनातील दैनंदिन ताण तणावापासून मुक्ततता मिळते. तसेच थॉयरॉईड(Thyroid) ग्रंथीचे कार्य सुधारते व आपली शारीरिक कमजोरी दूर होऊन शरीरात नवचैतन्य निर्माण झाल्याची अनुभूती येते. या आसनालाच इंग्रजी मध्ये Upword Plank Pose किंवा East Streaching Pose असे सुद्धा म्हणतात. पूर्वोतानासन या आसनाची कृती आणि फायदे या बद्दल संपूर्ण माहिती पुढे आपण आपल्या मायबोली मराठी भाषेमध्ये जाणून घेऊयात. (Purvottanasan information in marathi)

Image Source : https://pixahive.com/photo/east-streching-pose-purvottanasana/

कृती :

• आपल्या नियमित योग करण्याच्या आसनावर आपले दोन्ही पाय सरळ लांबवून बसा. 
• बसलेले असताना आपल्या पाठीचा कणा सुद्धा ताठ ठेवा. 
• आपले दोन्ही पाय एकमेकांना स्पर्श करतील असे चिपकवून राहू द्या. 
• आता आपले दोन्ही हात कंबरेच्या किंवा खांद्यांच्या रेषेत जमिनीवर ठेवा. 
• दोन्ही हातांची बोटे बाहेरच्या दिशेने  असू द्या. 
• आत हळूहळू मागे झुकून आपल्या शरीराचा भार आपल्या दोन्ही हातावर घ्या. 
• आपले हात सरळ ठेवा, कोपरात वाकणार नाहीत याची काळजी घ्या. 
• श्वास घेत आपल्या कमरेचा भाग आणि गुडघे वर उचला. 
• गुडघे वाकणार नाहीत याची काळजी घ्या. 
• आपले पायाचे तळवे जमिनीला चिटकवून राहू द्या, आणि आपले डोके जमिनीकडे सैल सोडून द्या. 
• हि या आसनाची शेवटची स्थिती आहे, काही वेळासाठी या स्थितीत राहा. 
• या स्थितीत श्वासोश्वास चालू राहू द्या. 
• आता श्वास सोडत हळुवार पूर्व स्थितीत या. 
• काही क्षणांच्या विश्रांती नंतर हातांची बोटे आतल्या बाजूने ठेवून हे आसन परत करावे. 

फायदे:

1. या आसनाच्या सरावामुळे आपले मन प्रसन्न होऊन आपल्याला ताणतणावापासून मुक्तता मिळते. 
2. हे आसन करत असताना आपल्या शरीराचा संपूर्ण भार आपल्या दोन्ही हातावर पडतो त्यामुळे आपली मनगटे, हात व खांदे मजबूत बनतात. 
3. हे आसन करत असताना आपल्या पाठीच्या व कमरेच्या स्नायूंवर भरपूर ताण पडतो त्यामुळे त्यांचा व्यायाम होऊन तेथील स्नायू मजबूत व बळकट बनतात. 
4. हे आसन करताना पोटातील अवयवांवर सुद्धा ताण पडतो व त्यांचा व्यायाम होतो, त्यामुळे आपली पचन संस्था सुरळीत कार्य करते. 
5. या आसनाच्या नियमित सरावामुळे थॉयरॉईड ग्रंथीचे कार्य सुद्धा सुधारते व सुरळीत चालते. 

महत्वाची सूचना: आपल्या मनगटाला काही दुखापत झाली असल्यास हे आसन करू नये, तसेच आपल्याला मानेचा किंवा कमरेचा काही त्रास असल्यास हे आसन करू नये. 

आपल्या शारीरिक क्षमते पेक्षा जास्त जोर लावून कोणतेही आसन करू नये.