उत्थित हस्त पादअंगुष्ठासन चे फायदे | Utthita Hasta Padangusthasana Benefits

  उत्थित हस्त पादअंगुष्ठासन 

उत्थित हस्त पादअंगुष्ठासन हे आसन पायावर उभे राहून करण्याच्या प्रकारातील आसन आहे. येथे उत्थित म्हणजे वर उचलणे, हस्त म्हणजे हात, पाद किंवा पद म्हणजे पाय आणि अंगुष्ठ म्हणजे अंगठा. तसेच या आसनाला इंग्रजी मध्ये Extended Hand-To-Big-Toe-Pose असे म्हणतात. या आसनाचा सराव केल्याने शारीरिक व मानसिक संतुलन बनून राहते तसेच आपली एकाग्रता वाढते. उत्थित हस्त पादअंगुष्ठासन ची कृती आणि फायदे या बद्दल माहिती आपण खाली जाणून घेऊयात. (utthita hasta padangusthasana benefits and steps information in marathi)

image source: https://pixahive.com/photo/utthita-hasta-padangustasana-extended-hand-to-big-toe-2/

कृती: 

• सर्वप्रथम आपल्या योग करण्याच्या आसनावर आपल्या दोन्ही पायावर सरळ उभे राहा. 
• आता एक खोल श्वास घेऊन आपला उजवा पाय गुडघ्यात वाकवून आपल्या पोटाजवळ आणा. 
• आता आपल्या उजव्या हाताने उजव्या पायाचा अंगठा पकडा आणि आकृतीत दाखवल्या प्रमाणे हळू हळू पाय डोक्याकडे वर उचला. 
• हि कृती करताना आपला तोल जाणार नाही याची दक्षता घ्या. 
• आपला तोल सांभाळण्यासाठी आपला आपले लक्ष्य डाव्या पायावर केंद्रित करा. तसेच आपला डावा हात आपल्या कमरेवर किंवा आपल्या उजव्या हाताला समांतर ठेवा. 
• आपला श्वासोश्वास नियमित चालू राहू द्या. 
• हि आसनाची शेवटची स्थिती आहे या स्थितीमध्ये आपले शरीर स्थिर करून अर्धा ते एक मिनिट या स्थितीत राहण्याचा प्रयत्न करा. 
• आपला पाय गुडघ्यात सरळ असेल याची काळजी घ्या. 
• आता हळूहळू पाय खाली आना आणि पूर्व स्थितीत या. 
• काही मिनिटांच्या अंतराने हीच कृती आपल्या डाव्या पायाने करा.  

फायदे: 

1. या आसनाच्या सरावामुळे आपले पाय, गुडघे आणि टाचा यांच्या पेशींना तणाव मिळून त्यांचा चांगल्या प्रकारे व्यायाम होतो व ते मजबूत बनतात.  
2. मांड्यांच्या स्नायूंना उत्तम व्यायाम मिळतो. 
3. या आसनाच्या सरावामुळे आपली एकाग्रता वाढण्यास मदत होते. 
4. छातीचे स्नायू ताणले जाऊन श्वसन क्रिया सुधारते. 
5. या आसनाच्या सरावामुळे पोटाच्या स्नायूंना सुद्धा भरपूर व्यायाम मिळतो त्या मुळे पचन शक्ती सुधारते. 

महत्वाची सूचना: या आसनाचा सराव योग शिक्षकाच्या मार्गदर्शनाखालीच करावा. 

गुडघ्याला, मांडीला किंवा पायाला कुठल्याही प्रकारची दुखापत झाल्यास हे आसन करू नये. 

स्त्रियांनी मासिक पाळी दरम्यान किंवा गर्भधारणा असल्यास हे आसन करू नये.