शशांकासन नैराश्य दूर करण्यास मदत करते | Shashankasana Marathi Information

शशांकासन 

कृती:"शशांक" हा एक संस्कृत शब्द असून त्याचे "ससा" आणि "चंद्र" असे दोन अर्थ होतात. शशांकासन करताना आपल्या शरीराचा आकार एखाद्या सश्याप्रमाणे दिसतो म्हणून या आसनाला शशांकासन असे म्हणतात. तसेच या आसनाच्या सरावामुळे आपले मन चंद्राप्रमाणे शीतल आणि शांत होते. या आसनाचा नियमित सराव नैराश्य दूर करण्यास मदत करते. हे आसन करताना आपल्या मेंदूला भरपूर आणि सुरळीत रक्तपुरवठा होतो त्यामुळे आपली स्मरणशक्ती सुद्धा सुधारते. विद्यार्थ्यांनी या आसनाचा नक्कीच सराव करायला हवा. रागावर नियंत्रण कसे करावे? या प्रश्नाचे उत्तर द्यायचे झाल्यास त्याला शशांकसान हेच उत्तर राहील. पुढे आपण शशांकासनापासून होणारे विविध फायदे तसेच त्याची कृती कशी करावी या बद्दल सविस्तर माहिती आपल्या मायबोली मराठी भाषेत जाणून घेऊयात. (Shashankasana information in marathi)

• सुरुवातीला आपल्या योग करण्याच्या आसनावर वज्रासनात(वज्रासनाबद्दल जाणून घेण्यासाठी येथे क्लिक करा.) बसावे. 
• वज्रासनामध्ये बसल्यानंतर आपले दोन्ही हात सरळ वर करा. 
• आता आपले शरीर हलके करून शरीराचा वरचा भाग हळू हळू समोर आणावा. समोर झुकताना हळू हळू श्वास बाहेर सोडावा. 
• समोर झुकल्यानंतर आपले दोन्ही हात सरळ जमिनीवर टेकवा तसेच आपले कपाळ सुद्धा जमिनीला टेकवण्याचा प्रयत्न करा. 
• या स्थितीत आल्यानंतर डोळे बंद करून घ्यावीत व आपला श्वासोश्वास चालू राहुद्यावा. 
• काही सेकंद या स्थितीत राहिल्यानंतर परत हळू हळू पूर्व स्थितीत म्हणजे वज्रासनात यावे. 
• या आसनाचा २ ते ३ वेळा सराव करावा. 

फायदे:

1. या आसनाच्या नियमित सरावामुळे आपला चिडचिडेपणा कमी होतो. 
2. या आसनाचा नियमित सराव नैराश्य दूर करण्यास मदत करतो. 
3. मेंदूतील रक्तपरिसंचरण सुधारते. 
4. स्मरणशक्ती वाढते. 
5. नियमित सरावामुळे पोट, कंबर, आणि नितंब या वरील चरबी कमी होते.
6. हे आसन करत असताना पोटावर ताण पडत असल्यामुळे गॅस आणि बद्धकोष्ठतेच्या समस्येपासून सुटका मिळते.
7. हे आसन करताना पाठीला भरपूर ताण मिळतो त्यामुळे पाठदुखीची समस्या सुद्धा नाहीशी होते. 

महत्वाची सूचना: जर आपल्यला स्लिपडिस्क, मानदुखी, किंवा गुडघेदुखीचा त्रास असेल तर हे आसन करू नये. 

कोणतेही योगासन करताना ते हळू हळू व शांततेचं करावे.