कूर्मासन कृती आणि फायदे | Kurmasana steps and benefits

कूर्मासन

 कूर्म हा संस्कृत शब्द असून या शब्दाचा अर्थ कासव असा होतो. "कूर्मासन" हे आसन करताना आपल्या शरीराचा आकार कासवाप्रमाणे बनतो किंवा दिसतो म्हणून या आसनाला कुर्मासन असे म्हणतात. तसेच या आसनाला  इंग्रजी मध्ये "Tortoise Pose" असे म्हणतात. या आसनाच्या सरावामुळे मानसिक तणाव कमी होतो व मनाची एकाग्रता साधल्या जाते. कुर्मासन कसे करावे म्हणजे कुर्मासनाची कृती आणि त्यापासून आपल्या शरीराला होणारे फायदे या बद्दल सविस्तर मराठी मध्ये माहिती आपण खाली जाणून घेऊयात. (Kurmasana steps and benefits in marathi)

image source: https://commons.wikimedia.org/wiki/File:K%C5%ABrm%C4%81sana_-_Tortoise_Pose_with_Hands_Facing_Back.jpg

कृती: 

• आपल्या योगासने करण्याच्या आसनावर आपले दोन्ही पाय पुढे सरळ लांब करून बसा. 
• आपल्याला शक्य होईल तेव्हडे जास्तीत जास्त अंतर आपल्या दोन्ही पायामधे ठेवण्याचा प्रयत्न करा. 
• दोन्ही पायांच्या टाचा जमिनीला घट्ट चिटकवून राहूद्या. 
• आता कमरेतून हळू हळू  समोर वाका, कमरेतून समोर वाकल्यामुळे आपल्या पाठीला वाक येणार नाही. 
• दोन्ही पाय गुडघ्यामध्ये थोडे वाकवून वरील चित्रात दाखवल्या प्रमाणे दोन्ही हात गुडघे आणि जमिनीच्या फटीमधून बाहेर काढा. 
• शरीर पुढे नेने आणि आपले हात गुडघ्याच्या फटीतून बाहेर काढणे या दोन्ही क्रिया एकत्रच सुरु राहतील. 
• आत आपले खांदे आणि हनुवटी जमिनीला लागेपर्यंत समोर वाकत राहा सोबतच आपले दोन्ही हात सरळ बाहेर लांबवत राहा. 
• या आसनाच्या शेवटच्या स्तिथीत आपले खांदे आणि हनुवटी जमिनीला टेकलेली असते. 
• आता आपले डोळे बंद करून आपल्या श्वासोश्वासावर लक्ष केंद्रित करा. 

फायदे: 

1. या आसनाचा नियमित सराव आपल्याला आपली एकाग्रता वाढविण्यासाठी मदत करतो. 
2. या आसनामुळे आपले मन स्थिरावून आपल्या मनाला एक अलौकिक शांतता मिळते. 
3. हे आसन करताना आपल्या पाठीच्या मणक्यावर हलकासा ताण पडतो व तेथील रक्तसंचालन सुरळीत होते. 
4. हे आसन करताना आपल्या पोटावर सुद्धा हलकासा ताण पडतो त्यामुळे पोटामधील सर्व इंद्रियांचा व्यायाम होतो व आपले पाचन तंत्र सुधारते.
5. बद्धकोष्ठतेचा त्रास सुद्धा या आसनाच्या नियमित सरावामुळे कायमचा बंद होतो. 
6. या आसनाच्या सरावामुळे पोटावरील चरबी सुद्धा कमी होते. 
7. या आसनाचा नियमित सराव केल्यास हर्नियाचा त्रास कायमचा बंद होतो. 
8. हे आसन केल्यामुळे आपल्या शरीरातील जवळपास प्रत्येक सांध्यांना भरपूर व्यायाम मिळतो आणि ते मजबूत बनतात. 
9. या आसनाच्या सरावामुळे आपली श्वसन प्रणाली सुद्धा सुधारते. 

महत्वाची सूचना: आपल्याला जर गुडघे, कंबर, खांदे यांचा काही त्रास असल्यास हे आसन करू नये  तसेच गरोदर स्त्रियांनी हे आसन करू नये. 

हे आसन करण्यासाठी थोडे अवघड असल्यामुळे सुरुवातीला हे आसन योगा शिक्षकाच्या मार्गदर्शनाखाली करावे 

.