पादांगुष्ठासन मराठी माहिती | Padangushtasana information in marathi

 पादांगुष्ठासन

ब्रह्मचार्याच्या पालनासाठी या आसनाचा फार उपयोग होतो. पादांगुष्ठासनाच्या नियमित सरावामुळे वीर्य मेंदूकडे जाते म्हणजे त्याची ऊर्ध्व गती होते आणि त्यामुळे त्याचे ओजसशक्ती मध्ये रूपांतर होते. हे आसन जाड लोकांना म्हणजेच ज्यांचे वजन जास्त आहे जे लोक स्थूल आहेत त्यांना करण्यासाठी थोडे अवघड जाते परंतु नियमित सराव केल्यास हे आसन सहज करता येईल. सुरुवातीला हे आसन करताना मागे पुढे किंवा उजव्या बाजूला तोल जाऊन पडण्याची दाट शक्यता असते परंतु नियमित सरावानंतर स्थिरता साधता येते. आता आपण पुढे  पादांगुष्ठासनाची कृती व फायदे या बद्दल संपूर्ण माहिती मराठीमध्ये जाणून घेऊयात.(Padangushtasana information in marathi) 

कृती:

• प्रथम आपल्या डाव्या पायाचा चवडा म्हणजे पायांच्या बोटांचा भाग जमिनीवर उभा ठेवा, आपल्या डाव्या पायाची टाच आपल्या गुदद्वार आणि वृषण यांच्यामध्ये ठेवा. 
• आता आपल्या शरीराचे वजन आपल्या डाव्या पायाच्या चवड्यावर म्हणजेच डाव्या पायाच्या बोटांच्या भागावर तोलून धरा.
• आपला उजवा पाय हा डाव्या पायाच्या गुडघ्यावर ठेवा. 
• असे करताना जमिनीचा किंवा भिंतीचा आधार घेतला तरी चालेल. 
• आता आपले शरीर स्थिर करून आपले दोन्ही हात मांड्यावर किंवा कमरेवर ठेवा अथवा दोन्ही हात नमस्कार स्थितीत ठेवा. 
• या आसन करताना शक्य तितक्या वेळ श्वास रोखून ठेवा.
• हि आसनस्थिती पूर्ण झाल्यानंतर हळू हळू श्वास घ्या. 
• या स्थितीत पाठीचा कणा ताठ ठेवा. 
• आपली दृष्टी नासिकेकडे राहू द्या आणि ध्यान लावा, 
• या आसनाचा सराव एका मिनिटापर्यंत करावा. सुरुवातील आपल्याला या आसनस्थितीत जास्त वेळ बसता येणार नाही परंतु नियमित सरावानंतर आपण आपली वेळ वाढवू शकतो. 

फायदे: 

1. या आसनाच्या नियमित सरावाने आपण मधुमेहावर नियंत्रण मिळवू शकतो. 
2. हे आसन नियमित केल्यास वीर्य मेंदूकडे जाते म्हणजेच त्याला ऊर्ध्व गती मिळते. त्यामुळे त्याचे ओजसशक्ती मध्ये रूपांतर होते. 
3. हे आसन वीर्यनाडीवर परिणामकारक असल्यामुळे स्वप्नदोष, नपुसंकता या सारखे रोग बरे होतात. 

महत्वाची सूचना: गरोदर स्त्रियांनी तसेच ज्यांना गुडघे दुखीचा त्रास आहे त्यांनी हे आसन करू नये.