पश्चिमोत्तानासन कृती आणि फायदे | Benefits of Paschimottanasana

 पश्चिमोत्तानासन 

जमिनीवर बसून करण्यात येणाऱ्या आसन प्रकारातील हे आसन असून, हे आसन करण्यासाठी थोडे अवघड आहे. या आसनाला उग्रासन असे सुद्धा म्हणतात. पश्चिमोत्तासनच्या नियमित सरावामुळे पोटातील चरबी कमी होण्यास मदत होते. स्त्रियांच्या मासिक पाळी संबंधी असणाऱ्या तक्रारी या आसनाच्या सरावाने कमी होतात. तसेच मनाची चंचलता या आसनाच्या सरावाने कमी होते. या आसनाची कृती आणि फायदे या बद्दल आपण संपूर्ण माहिती मराठी मध्ये जाणून घेऊयात.(Information and benefits of Paschimottanasana in marathi) 

pic credit- https://pixahive.com/photo/back-bend-yoga-paschimottanasana/

कृती:

• आपल्या योगा करण्याच्या आसनावर आपले पाय लांब पसरवून बसा. 
• आता कमरेमध्ये हळू हळू समोर वाकून आपल्या दोन्ही पायाचे अंगठे पकडा. 
• हि कृती करताना आपले दोन्ही पाय ताठ राहतील याची दक्षता घ्या. 
• सुरुवातीला अंगठे पकडता नाही आले तर आपल्या दोन्ही पायांचे घोटे पकडले तरी चालतील. 
• आता श्वास बाहेर सोडून आपले मस्तक आपल्या दोन्ही पायांच्या गुडघ्यांना टेकवण्याचा प्रयत्न करा. 
• या स्थितीत आल्या नंतर आपले दोन्ही हातांचे कोपरे जमिनीला टेकतील याची काळजी घ्या. 
• हि आसनाची शेवटची स्थिती आहे या स्थिती मध्ये आल्यानंतर आपला श्वासोश्वास संथ गतीने चालू द्या. 
• सुरुवातीला काही दिवस तुम्हला असे करण्यास थोडे परिश्रम लागतील परंतु नियमित सराव केल्यास तुम्ही हि कृती अगदी सहज करू शकाल. 
• सुरुवातीच्या काळात हे आसन ५ सेकंदापर्यंतच करावे, नंतर काही दिवसांच्या सरावानंतर आपण हे आसन ३० सेकंदापासून तर १० मिनिटापर्यंत करू शकता. 
• हे आसन सोडताना सुरुवातीला पायाची बोटे सोडावी मग हळू हळू डोके आणि मान वर घ्यावी. 

फायदे:

1. या आसनाच्या नियमित सरावामुळे पोटावरील चरबी कमी होते. 
2. या आसनाच्या सरावामुळे पित्ताशय, जठार, आणि मूत्राशय या सारख्या पोटामधील अवयवांना भरपूर व्यायाम मिळतो. 
3. या आसनाचा सराव पचनशक्ती सुधारते आणि मजबूत बनवते. 
4. पोटऱ्या पासून तर माने पर्यंतचे सर्व अवयव या आसनाच्या सरावाने बळकट बनतात. 
5. तसेच मेरुदंड लवचिक बनतो. 
6. या आसनाच्या सरावाने मन शांत होऊन मनाची चंचलता कमी होण्यास मदत होते. 
7. या आसनाच्या सरावामुळे स्त्रियांमधील मासिक पाळी संबंधीच्या तक्रारी दूर होतात. 
8. मधुमेहींच्या रुग्णांना सुद्धा हे आसन फार उपयुक्त आहे. 

महत्वाची सूचना: पॊन्डिलिसिस चा त्रास असणाऱ्या रुग्णांनी आपल्या डॉक्टर च्या सल्ल्या शिवाय हे आसन करू नये. तसेच हे आसन करताना किंवा सोडताना आपल्या शरीराला हिसके देऊ नये.