Kukkutasana Benefits | कुक्कुटासन करण्याचे फायदे

कुक्कुटासन

कुक्कुट हा एक संस्कृत शब्द असून त्या शब्दाचा अर्थ कोंबडा असा होतो. हे आसन करताना आपल्या शरीराचा आकार दोन पायावर उभ्या असलेल्या कोंबड्यासारखा दिसतो म्हणून या आसनाला कुक्कुटासन असे म्हणतात. या आसनालाच इंग्रजी मध्ये Cockerel Pose असे म्हणतात. या आसनाच्या सरावामुळे आपल्या दोन्ही हातांच्या सांध्यांना भरपूर व्यायाम मिळतो आणि ते मजबूत बनतात. या आसनाच्या नियमित सरावामुळे आपल्या शरीरातील रक्ताभिसरणाची क्रिया सुधारते, तसेच मासिक पाळी दरम्यान स्त्रियांना होणारे विविध त्रास सुद्धा या आसनाच्या नियमित सरावामुळे कमी होतात. चला तर मग कुक्कुटासन कसे करायचे आणि त्यापासून मिळणारे फायदे या बद्दल संपूर्ण माहिती मराठी मध्ये जाणून घेऊयात. (Kukkutasana steps and benefits information in marathi)

Image source: https://pixahive.com/photo/kukkutasana-cockerel-pose/

          

कृती:

• सर्वप्रथम आपल्या आसनावर(yoga mat) पद्मासनात बसा. 
• आता आपले दोन्ही हात आपल्या मांडी आणि पोटऱ्यांच्या मध्ये घालावेत आणि आपले हाताचे तळवे जमिनीवर टेकवावे. आकृतीत दाखवल्या प्रमाणे आपल्या हातांची बोटे समोरच्या बाजूलाअसावीत व त्यामध्ये पुरेसे अंतर असावे. 
• आता एक खोल श्वास घेऊन आपल्या शरीराला दोन्ही हातावर उचलून तोलण्याचा प्रयत्न करा. 
• स्थुल व्यक्तींना असे करण्यास थोडा त्रास होऊ शकतो परंतु नियमित सराव केल्यास हि कृती सहज शक्य होऊ शकते. 

फायदे:

1. या आसनाचा दैनंदिन सराव आपले मन शांत राखण्यास मदत करतो तसेच या आसनाचा सराव आपला उत्साह वाढवतो व टिकवून ठेवतो. 
2. मासिक पाळीच्यावेळी स्त्रियांना होणारी बैचेनी व ओटी पोटात दुखणे या सारखे त्रास या आसनाच्या सरावाने कमी होते. 
3. या आसनाच्या सरावामुळे दोन्ही हातांचा भरपूर व्यायाम होतो तसेच हातांच्या संपूर्ण सांध्यांना याने पूर्ण व्यायाम मिळतो.
4. तसेच या आसनाच्या सरावामुळे खांदे, मनगटे, आणि बाहू मजबूत बनतात. 
5. या आसनाच्या सरावामुळे पाय, गुडघे, मांड्या यांचा भरपूर व्यायाम होऊन ते मजबूत बनतात. 
6. हे आसन शरीरातील रक्ताभिसरणाची क्रिया सुधारते. 
7. ज्यांना पोटातील कृमींचा त्रास आहे त्यांच्यासाठी हे आसन अत्यंत लाभदायक आहे.
8. या आसनाचा नियमित सराव श्वसनसंथा व पचनसंस्थे चे कार्य सुधारते. 
9. तसेच या आसनाच्या नियमित सरावामुळे मूलाधार चक्र सक्रिय होते. 

टीप: हे आसन योगशिक्षकाच्या मार्गदर्शनाखालीच करावे. ज्यांना गुडघेदुखी, मानदुखी किंवा संधिवाताचा त्रास आहे त्यांनी हे आसन करू नये.