गर्भासन मराठी माहिती | Garbhasana Steps and Benefits

गर्भासन 

या आसनावस्थेत आपल्या शरीराचा आकार, मातेच्या गर्भात असलेल्या बाळा सारखा दिसतो, म्हणून या आसनास गर्भासन(Garbhasan) असे म्हणतात. पोटाच्या सर्व आजारांवर खात्रीशील उपाय म्हणजेच गर्भासन.  या आसनाच्या नियमित सरावामुळे कफ, अपचन, आतड्यांवरची सूज, जीर्णज्वर व बद्धकोष्ठता यांसारखे विकार नाहीसे होतात.  या आसनाची कृती आणि संपूर्ण फायदे (Garbhasana steps and benefits) या बद्दल आपण खाली मराठी मध्ये जाणून घेणार आहोत. 

कृती : (Garbhasana steps)

•    आधी जमिनीवर पद्मासन अवस्थेत बसावे. आता दोन्ही हात कोपऱ्यापर्यंत पायाच्या पोटऱ्यात घालावेत
• .  नंतर उजव्या हाताने उजव्या कानाची पाळी आणि डाव्या हाताने डाव्या कानाची पाळी पकडा. 
•    हे आसन करताना शरीराचा तोल सांभाळावा नाहीतर पाठीवर पडण्याची शक्यता असते. जर हे आसन         करणे फारच कठीण जात असेल तर पद्मासन न घालताही हे आसन करता येते. 
•    सुरुवातीला ८ ते १० सेकंद आसनव्यवस्था राखावी नंतर हळूहळू सरावा नंतर वेळ वाढवत नेऊन आपण       हे    आसन एका मिनिटापर्यंत करू शकता.                        

    गर्भासनाचे फायदे  (Garbhasana Benefits):

1. या आसनामुळे पोट साफ राहते. पोटातील वायूंचा विकार नष्ट होतो आणि पचन शक्ती सुधारते. 
2. हे आसन केल्याने पोटात वारंवार उध्दभवणारा कफ, अपचन, आतड्यांवरची सूज, जीर्णज्वर व बद्धकोष्ठता यांसारखे विकार नाहीसे होतात. 
3. या आसनाच्या सरावामुळे शरीरावरील अतिरिक्त चरबी कमी होण्यास मदत होते. 
4. या आसनाच्या सरावामुळे पोटातील अवयवांस, वक्षस्थळांस तसेच हातापायांच्या सांध्यांना पुरेसा व्यायाम मिळतो आणि होणारे विविध त्रास कमी होतात. 
5. शारीरिक आणि मानसिक ताण कमी होण्यास मदत होते. 
6. या आसनामुळे विर्यरक्षण होते आणि चित्तवृत्ती आत्म्याच्या ठिकाणी स्थिर होते.       
7. हे आसन करताना आपल्याला आपल्या शरीराचा तोल सांभाळावा लागतो त्यामुळे आपली एकाग्रतावाढण्यास मदत होते. 

  टीप: गरोदर माता व ज्यांना  गुडघे दुखीचा आणि संधिवाताचा त्रास आहे त्यांनी हे आसन करू नये.