सेतुबंधासन व त्याचे फायदे | Bridge Pose & its Benefits

 'सेतू ' म्हणजे पूल. या आसनात शरीराचा आकार पुलासारखा दिसतो म्हणून या आसनास 'सेतुबंधासन,(setu bandhasana) असे म्हणतात.  हे एक उपयुक्त आसन असल्यामुळे सर्व वयोगटातील स्री पुरुषांनी ते करण्याचा प्रयत्न करावा. या आसनाच्या नियमित सरावामुळे फुफ्फुसांना योग्य प्रमाणात रक्तपुरवठा होऊन  फुफ्फुसांची कार्यक्षमता वाढते व तसेच उच्च रक्तदाब, दमा, ऑस्टिओपोरोसिस, सायनस या सारखे आजार दूर करते. या आसनाचा सराव आपल्याला तणाव मुक्त करू शकते. जर तुमची नेहमीच चीड चीड होत असेल, तुम्हाला कुठल्या गोष्टीचा ताण येत असेल तर या आसनाच्या सरावामुळे तुमचे मन शांत होऊन तुमचा ताण कमी होण्यास मदत होते. येथे आपण सेतुबंधासनाची कृती आणि फायद्याबद्दल(setu bandhasana in marathi) मराठी मध्ये माहिती जाणून घेऊयात. 

https://www.flickr.com/photos/yogamama-co-uk/3794906358

कृती:(Setubandhasana Steps)

• जमिनीवर पाठीवर सरळ झोपा.
• आता गुडघे वाकवून कंबर आणि नितंबाचा भाग जमिनीपासून वर उचला.
• कंबरेला आकृतीत दाखवल्या प्रमाणे हातांचा आधार द्या.
• डोके, मान व  खांदे जमिनीवर टेकलेले असू द्या.
• सहजपणे श्वासोश्वास करत राहा.
• आठ ते दहा सेकंदापर्यंत आपण या आसन स्थितीत राहा.
• आता पूर्व स्तिथीत या व काही वेळ विश्रांती घ्या.
• विश्रांती नंतर पुन्हा वरील क्रिया करा.
• सुरुवातील चार वेळा हि क्रिया करा व काही दिवसांच्या सरावानंतर सहा वेळा हे आसन करा. 
• हे आसन करताना घाईगरबड करू नका, हे आसन करता कमरेला झटका बसणार नाही याची काळजी घ्या. 

टीप : पाठ किंवा मान दुखत असल्यास हे आसन करू नये. 

फायदे: (Setubandhasana Benefits)

1. या आसनामुळे खांदे, मान, हाताचे कोपरे व हातांच्या पंज्यातील सांध्यांना भरपूर व्यायाम मिळतो. 
2.  पाठीच्या कण्याला लवचिकपणा येतो आणि पाठीचा कणा सुदृढ व कार्यक्षम बनतो. 
3.  कंबर व नितंबामध्ये निर्माण होणाऱ्या विकृती दूर होतात. 
4. या आसनाच्या नियमित सरावामुळे फुफ्फुसांची कार्यक्षमता वाढते. 
5. उच्च रक्तदाब, दमा, ऑस्टिओपोरोसिस, सायनस साठी हे आसन फार उपयोगी आहे.  
6. अस्थमा असलेल्या रुग्णांसाठी हे आसन फार उपयुक्त आहे. 
7. या आसनाचा नियमित सराव पाचन कार्यसुधारण्यास मदत होते तसेच वायू विकार आणि अजीर्णसारखा त्रास दूर होतो. 
8. या आसनाच्या सरावामुळे मन शांत होऊन आपला तणाव कमी होण्यास मदत होते. .