सिंहासनाची - कृती व फायदे | Sinhasana

सिंहासन 

चौऱ्याऐंशी आसनांपैकी हे एक आसन असून सिंहासनालाच (sinhasana) 'भैरावासन' असेही म्हणतात.  हे आसन करताना आपली जीभ बाहेर ताणल्या जाते त्यामुळे आपल्या घश्यातील सर्व यंत्रणेचा व्यायाम होतो. आपल्या घश्यातील रक्ताभिसरण सुरळीत होते त्यामुळे आपल्या लाळ ग्रंथींचे कार्य सुधारते. खाली आपण सिंहासनाची कृती व फायदे या बद्दल सर्व माहिती मराठी मध्ये जाणून घेऊयात. 

Image Source: https://pixahive.com/photo/simha-vajrasana-lion-pose-2/

कृती:

• वरील आकृतीत दाखवल्या प्रमाणे दोन्ही पाय पाठीमागे नेऊन टाचांवर बसावे. 
• टाचा नितंबाच्या दोन्ही बाजूला टेकवा. 
• दोन्ही गुडघ्यात थोडे अंतर ठेवावे..
• आता उजव्या हाताचा पंजा उजव्या गुडघ्यावर व डाव्या हाताचा पंज्या डाव्या गुडघ्यावर ठेवा. 
• नंतर दोन्ही नाकपुड्यांतून व तोंडातून श्वास बाहेर सोडत असतानाच जीभ जास्तीत जास्त बाहेर काढावी. 
• जीभ बाहेर काढत असतानाच आतील संपूर्ण श्वास बाहेर सोडावा. 
• आता संपूर्ण श्वास बाहेर सोडून झाल्यावर परत श्वास घेऊ नका काही वेळासाठी श्वास बाहेरच रोखून धरा. 
• आता ताठ बसून राहा चेहऱ्यावरचे सर्व स्नायू खेचले जातील व चेहरा भयानक दिसेल अश्या प्रकारे डोळे ताणून उघडे ठेवा. 
• दृष्टी नाकाच्या शेंड्यावर रोखून धारा. या स्थितीत सहा ते आठ सेकंदापर्यंत स्थिर राहा.

 सुरुवातीला काही दिवस हे आसन आठवड्यातून दोन वेळा करावे, काही दिवसांच्या सरावानंतर हि मुद्रा दिवसातून चार वेळा करावी. 

फायदे:(Benefits of Simhasana )              

1. या आसनाच्या नित्य सरावाने स्मरणशक्ती वाढते.
2. आवाजासंबंधित तक्रारी आणि टॉन्सिल्सना आलेली सूज या आसनाच्या सरावाने नाहीशी होते. 
3. या आसनाच्या सरावामुळे थायरॉईड ग्रंथीला चेतना मिळून तिचे कार्य सुरळीत चालते. 
4. श्वसनयंत्र आणि स्वरयंत्रावर या आसनामुळे चांगला परिणाम होतो. 
5. या आसनामुळे छातीच्या व पोटाच्या सर्व तक्रारी दूर होतात. 
6. डोळे, कान, व त्वचेचे कार्य सुरळीत चालण्यासाठी हे आसन अत्यंत उपयुक्त आहे. 
7. या आसनामुळे वज्रासनापासून मिळणारे सर्व लाभ प्राप्त होतात. 
8. मन एकाग्र करण्यासाठी या आसनाचा नित्य सराव करावा. 
9. या आसनामुळे चेहरा सुंदर व तेजस्वी बनतो.