मत्स्यासन | Fish Pose Yoga | (Matsyasana information in Marathi)

मत्स्यासन      

  आपण जेव्हा हि आसन मुद्रा धारण करतो तेंव्हा, आपल्या शरीराचा आकार पाण्यातील मास्याप्रमाने दिसायला लागतो म्हणून या आसनाला 'मत्स्यासन'(Fish Pose Yoga) असे म्हणतात. या आसनाच्या सरावामुळे फुफुसे, कान, स्वरयंत्र, पाठीचा कणा अश्या बऱ्याच अवयवांची कार्यक्षमता वाढते. सर्वांगासनाच्या सरावानंतर मत्स्यासन केल्याने सर्वांगासनाचा आपल्याला अधिक फायदा मिळतो तसेच सर्वांगासन केल्यानंर आपल्या मानेच्या स्नायूंमध्ये आलेली ताठरता या आसनामुळे कमी होते. मत्स्यासन केल्यानंतर शवासन करावे. चला तर मत्स्यासनाची कृती आणि फायद्या बद्दल संपूर्ण माहिती आपण  मराठी मध्ये जाऊन घेऊयात. (matsyasana information in marathi)

Photo by Elly Fairytale from Pexels-fish pose

कृती:(Matsyasana Steps)

• आधी पद्मासनात बसा नंतर दोन्ही हातांचा आधार घेऊन जमिनीवर झोपा. 
•  त्यानंतर आकृतित दखवल्याप्रमाणे पाठीची  कमान बनवण्याचा प्रयत्न करा.
• म्हणजे शरीराचा भार डोक्यावर आणि मांडीवर पडेल.
• आता डाव्या हाताने डाव्या पायाचा पंजा पकडा आणि उजव्या हाताने उजव्या पायाचा पंजा पकडा .
• कमरेचा भाग वरती उचलून शरीराचा आकार एखाद्या पुलासारखा बनेल असा प्रयत्न करा.  
• काही लोकांना पद्मासन घालून जर जमत नसेल तर त्यांनी साधी मांडी लावून जरी हे आसन केले तरी चालेल, परंतु पद्मासनामध्येच हे आसन करण्याच प्रयत्न करावा. 

सुरुवातीला काही सेकंदच हे आसन करावे सरावानंतर हळूहळू या आसनाची वेळ वाढवावी. पूर्वस्तितीत येताना हाताच्या मदतीने प्रथम डोके सैलकरून पाठीवर झोपावे आणि मगच उठून बसावे 

फायदे: (Benefits of Matsyasana)

1. या आसनामध्ये स्वरपेटी व श्वसन नळी मोकळी राहत असल्यामुळे खोल श्वासोश्वास करण्यास हे आसन फार उपयुक्त आहे. 
2. थायरॉईड ग्रंथीला व्यायाम मिळतो त्यामुळे तिचे काम सुरळीत चालते. 
3. या आसनाच्या नियमित सरावामुळे श्वसनयंत्राची कार्यक्षमता वाढते. 
4. या आसनाच्या नियमित सरावाने फुफ्फुसामध्ये शुद्ध रक्ताचा पुरवठा होतो आणि पुरेसा पाचक रस निर्माण होण्यास मदत 
5. दम्याच्या रुग्णांना हे आसन अत्यंत लाभदायक आहे. 
6. या आसनामुळे पाठीच्या कण्याला भरपूर व्यायाम मिळतो 
7. पाठीचे स्नायूसुद्धा  कार्यक्षम बनतात. 
8. या आसनामुळे चेहऱ्याच्या स्नायूंना चांगला ताण बसतो त्यामुळे चेहरा तेजस्वी बनतो. 
9. सर्वांगासनानंतर लगेच हे आसन करावे त्यामुळे सर्वांगासन केल्याने मानेला आलेला ताठरपणा आणि स्नायू खेचल्यामुळे स्नायूंना आलेली जडता दूर होण्यास मदत होते.   

टीप: पाठीच्या मणक्याचा, मानेचा त्रास ज्यांना आहे त्यांनी हे आसन करू नये तसेच उच्च रक्तदाब असलेल्या व्यक्तींनी सुद्धा हे आसन करू नये.