बद्ध पद्मासन मराठी माहिती | Baddha padmasana information in Marathi

बद्ध पद्मासन (Baddha Padmasana)

आपण येथे बद्ध पद्मासन बद्दल मराठी मध्ये माहिती(Baddha padmasana information in Marathi) जाणून घेत आहोत. मागील भागात आपण पद्मासनाबद्दल जाणून घेतले आज 'बद्ध पद्मासना' बद्दल जाणून घेऊ.  हा पद्मासनाचाच एक प्रकार आहे. या आसनाच्या नियमित सरावामुळे हृदय, फुफ्फुसे, जठर, यकृत मजबूत बनतात. हे आसन करण्यासाठी थोडे कठीण आहे परंतु काही दिवसांच्या नियमित सरावा नंतर आपण हे आसन सहज करू शकू. 

pic credit: https://www.flickr.com/photos/shaarka/4440743103

कृती (baddha padmasana steps) :  

1.  सुरुवातीला पद्मासनाच्या स्थितीत आपल्या आसनावर mat) बसा.
2. आपल्या पायांच्या टाचा आपल्या ओटी पोटाखाली यायला हव्यात. 
3. आता दोन्ही हात पाठीमागे घ्या व आकृतीत दाखवल्या प्रमाणे उजव्या हाताने उजव्या पायाचा अंगठा पकडा आणि डाव्या हाताने डाव्या हाताचा अंगठा पकडा. 
4. सुरुवातीला सहज आपण हि क्रिया करू शकत नाही म्हणून थोडे समोर झुकून अंगठे पकडण्याचा प्रयत्न करा. आता सरळ ताठ बसा.
5. या सर्व क्रिये मध्ये नियमित श्वासोश्वास चालू ठेवा. 

    सुरुवातील हे आसन एका मिनिटांपर्यंत करावे, रोजच्या सरावानंतर हे आसन दहा मिनिटापर्यंत करता येते. 

बद्ध पद्मासनाचे फायदे (Benefits of Baddha Padmasana):

• या आसनाचा नियमित सराव केल्याने हृदय, फुफ्फुसे, जठर, यकृत मजबूत व कार्यक्षम बनतात. 
• या आसनाच्या मदतीने अपचन, पोटात वायू धरणे(Gases), पोटात दुखणे, अजीर्ण होणे या सारखे विकार नाहीसे होतात. 
• या आसना मध्ये गुडघ्यांच्या सांध्यावर भार पडत असल्यामुळे पायांचे सांधे मजबूत बनतात. 
• या आसनाच्या नित्य सरावाने गुड्घ्यांचे सांधे लवचिक होऊन सांधेदुखीचा त्रास नाहीसा होतो. 

टीप: पायाच्या गुडघ्याला दुखापत झाली असेल किंवा गुडघ्याची नुकतीच शस्त्रक्रिया झाली असेल तर हे आसन करू नये. तसेच गरोदर मातांनी आणि ज्यांना पाठ दुखीचा त्रास आहे त्यांनी सुद्धा हे आसन करू नये.